Umdeilda knattspyrnukonan, Madelene Wright hefur sett allt á hliðina með myndum úr sumarfríi sem hún er nú í.

Wright hefur vægast sagt átt stormasaman feril en hún sneri aftur á knattspyrnuvöllinn í fyrra eftir hlé.

Hún var efnileg á yngri árum en var rekinn frá félagi sínu á þeim tíma, Charlton, eftir röð hneyksla. Átti þetta sér stað árið 2020.

Wright hafði deilt myndböndum af sér að taka inn hláturgas, sem er ekki vel liðið innan fótboltans. Hún stoppaði alls ekki þar. Annað myndband fór í umferð af henni að drekka áfengi á meðan hún brunaði áfram á bifreið sinni.

Þriðja myndbandið var svo síðasti nagli í kistu Wright hjá Charlton. Þar sást hún stunda kynlíf á meðan hún talaði í símann. Charlton fékk nóg og lét hana fara vegna þessa stöðugu vandræða utan vallar.

Wright sneri sér að allt öðru eftir þetta, OnlyFans, þar sem hún birti djarft efni fyrir áskrifendur gegn gjaldi. Gerði hún það í kjölfar þess að hafa haslað sér völl á Instagram.

Það var ekki það eina sem hún tók sér fyrir hendur, heldur streymi hún einnig tölvuleikjum og gátu aðdáendur fylgst með þar sömuleiðis.

Árið 2023 ákvað Wright svo að tími væri til kominn að snúa aftur á knattspyrnuvöllinn. Skrifaði hún þá undir hjá Leyton Orient.

Hún stoppaði þó stutt þar og skrifaði undir hjá Chesham í ensku neðri deildunum í fyrra, auk þess að fylgja eftir ferli sínum utan vallar.