Furðuleg dómgæsla kostaði Íslendingalið Kristianstad sennilega stig gegn öðru Íslendingaliði, Rosengard, í sænsku úrvalsdeildinni í gær.
Rosengard vann leikinn 2-1 en í blálok leiksins átti Kristianstad að fá víti þegar leikmaður andstæðingsins fékk boltann tvisvar í höndina innan teigs.
Myndband af þessu má sjá hér neðar, en þetta vakti töluverða athygli á samfélagsmiðlum. Orri Rafn Sigurðarson fótboltaskrípent skrifaði til að mynda um málið.
„Uppbótartími og leikmaður Rosengård hendir í gott “double dribble” inn í teig gegn Kristianstad og ekkert dæmt. Ég er enginn dómari sjálfur – en að það sé ekki dæmt á svona atvik, hvað þá í lok leiks og dómarar í fínni stöðu til að sjá þetta. Það er eiginlega ófyrirgefanlegt,“ skrifaði hann.
Sem fyrr segir hafa bæði liðin Íslendinga innanborðs. Katla Tryggvadóttir, Guðný Árnadóttir og Alexandra Jóhannsdóttir spila með Kristianstad og þær Guðrún Arnardóttir og Ísabella Sara Tryggvadóttir með Rosengard.
Uppbótartími og leikmaður Rosengård hendir í gott “double dribble” inn í teig gegn Kristianstad og ekkert dæmt.
Ég er enginn dómari sjálfur – en að það sé ekki dæmt á svona atvik, hvað þá í lok leiks og dómarar í fínni stöðu til að sjá þetta. Það er eiginlega ófyrirgefanlegt. https://t.co/XTlXza5qhp— Orri Rafn Sigurdarson (@OrriRafn) April 21, 2025
