Cristiano yngri, sonur Ronaldo, getur valið um að spila fyrir þrjú landslið í framtíðinni, nái hann svo langt.
Cristiano yngri er mikið efni og spilar með yngri liðum Al-Nassr, þar sem pabbi hans spilar í dag. Hann hefur einnig verið hjá Juventus og Manchester United, þegar Cristiano eldri spilaði þar.
Ekki er ólíklegt að Cristiano yngri, sem verður 15 ára í sumar, nái langt í boltanum í framtíðinni en þá geta þrjú landslið barist um þjónustu hans.
Hann getur augljóslega spilað fyrir Portúgal, þar sem faðir hans er þaðan, en einnig Spán þar sem hann bjó þar í meira en þrjú ár áður en hann varð tíu ára.
Einnig vekur athygli að Cristiano yngri getur valið að leika fyrir Bandaríkin í framtíðinni, en hann er fæddur þar.
