Magnús Már Einarsson, þjálfari nýliða Aftureldingar í Bestu deild karla, var gestur Helga Fannars Sigurðssonar og Hrafnkels Freys Ágústssonar í Íþróttavikunni á 433.is.

Arnar Gunnlaugsson, nýr landsliðsþjálfari Íslands, tilkynnti á dögunum að Orri Steinn Óskarsson væri nýr fyrirliði liðsins. Tekur hann við bandinu af Aroni Einari Gunnarssyni.

„Þetta kom mér á óvart en er að mörgu leyti skiljanlegt líka. Hann er að rétta yngri kynslóðinni lyklana og velur mjög ungan fyrirliða. Orri gæti orðið fyrirliði næstu 10-15 ári ef hann stendur sig vel í þessu hlutverki,“ sagði Magnús um málið í þættinum.

„Aron hefur verið frábær fyrirliði undanfarin ár en það kemur að því að hann verði ekki lengur í þessu liði og hann er að undirbúa það.“

Umræðan í heild er í spilaranum.