Efnilegur knattspyrnumaður í ensku utandeildinni, Vini Desouza, er fallinn frá aðeins 19 ára gamall.
Vini, sem er fæddur í Brasilíu en flutti til Englands sem barn, gekk í raðir Warrington Town árið 2023 og fór inn í U-21 árs liðið. Hann vann sér svo inn sæti í aðalliðinu.
Félagið skrifar fallega kveðju um Vini eftir andlátið og leikmenn tala þá afar fallega um strákinn unga.
„Vini skoraði gjarnan ótrúleg mörk og var svo elskaður innan félagsins,“ segir meðal annars í tilkynningu Warrington.
„Vini var elskaður og við kunnum vel að meta hann. Hann hafði svo mikla hæfileika og naut virðingu allra,“ sagði liðsfélagi hans.
Innan við sólarhring eftir andlát Vini spilaði Warrington gegn Maccelsfield og vann 4-1 sigur, sem var tileinkaður Vini.
