Dóttir knattspyrnugoðsagnarinnar Roy Keane hefur tjáð sig um þann ólæknandi sjúkdóm sem hún greindist með fyrir ekki svo löngu.

Um er að ræða sama sjúkdóm og söngkonan fræga Selena Gomez berst við sem ber nafnið lupus.

Caragh Keane er 29 ára gömul og er dóttir Roy sem gerði garðinn frægan með stórliði Manchester United.

Caragh hélt að ‘lífið væri búið’ að eigin sögn eftir að hafa komist að því sem gekk á en hún glímir við hárlos og blöðrur á mjög óútreiknanlegum tímum.

,,Lífið var búið. Það var engin endurkoma eftir þetta. Ég væri ekki hér án mömmu og pabba,“ sagði Caragh.

,,Þegar ég komst að sjúkdómnum þá kvaddi ég manneskjuna sem ég var og þá manneskju sem ég taldi mig eiga að vera.“

,,Ég var í raun bara í rúminu í tæplega tvo mánuði.“

Caragh líður þó mun betur í dag og hefur fundið ákveðnar leiðir til þess að glíma við sjúkdóminn á hverjum degi.