U21 lið karla mætir Ungverjalandi og Skotlandi í tveimur vináttuleikjum í mars. Leikirnir verða spilaðir á Pinatar Arena.
Ísland mætir Ungverjalandi föstudaginn 21. mars klukkan 13:00 og Skotlandi þriðjudaginn 25. mars klukkan 13:00.
Lúðvík Gunnarsson verður staddur í öðru verkefni með U17 liði karla og verður því Ari Freyr Skúlason aðstoðarþjálfari U21 liðs karla í þessu verkefni.
Ari Freyr átti magnaðan feril í atvinnumennsku og var í mörg ár í algjöru lykilhlutverki í íslenska landsliðinu. Hann verður Ólafi Inga Skúlasyni til halds og trausts.
