Guy Smit er genginn í raðir Vestra, en hann kemur til félagsins eftir að hafa yfirgefið KR við lok síðustu leiktíðar.
Um er að ræða 29 ára gamlan markvörð sem hefur spilað hér á landi síðan 2020. Þá gekk hann í raðir Leiknis í Lengjudeildinni en hefur síðan spilað með Val, ÍBV, sem og KR á Íslandi.
Vestri hélt sér naumlega uppi í Bestu deildinni sem nýliði í fyrra.
Tilkynning Vestra
Guy Smit til Vestra
Hollenski markvörðurinn Guy Smit er genginn í raðir Vestra og mun verja mark félagsins í sumar.
Hann er 29 ára og kom fyrst til Íslands árið 2020 og lék með Leikni R. í fyrstu deild. Guy var á þeim tíma langbesti markvörður landsins og var það svo að hann gekk til liðs við Val. Hann hefur síðan einnig spilað með ÍBV á láni frá Val og á síðustu leiktíð lék hann með KR. Guy átti erfitt uppdráttar framan af móti eins og allt KR liðið en með þjálfarabreytingum fór KR liðið að spila betur og var Guy frábær seinni hluta mótsins.
Stjórn knattspyrnudeildar Vestra og samfélagið hér vestra býður Guy velkominn til starfa.
