Paolo Vanoli lét til sín taka eftir enn eitt áfall Fiorentina og sagði að ástandið innan liðsins væri verra en áður hafi verið talið. Liðið situr á botni Serie A, enn án sigurs eftir 14 umferðir, staða sem enginn hefur áður bjargast úr.
Fiorentina komst yfir gegn Sassuolo með vítaspyrnu frá Rolando Mandragora, en féll síðan saman og tapaði 3–1 á Mapei-leikvanginum.
„Við verðum að biðja stuðningsmenn afsökunar,“ sagði Vanoli á heitum blaðamannafundi.
„Í svona aðstæðum þurfum við alvöru menn, ekki bara leikmenn. Þessi leikur var táknmynd vandamála okkar. Engar afsakanir lengur, við þurfum hugrekki.“
DAZN greindi frá því að Vanoli væri agndofa yfir óöryggi leikmanna, sem sendu stöðugt fyrirsjáanlegar fyrirgjafir. „Hvaða ótti er þetta þegar þú leiðir 1–0? Óttinn ætti að hverfa þá.“
Hann gagnrýndi einnig skort á liðsheild: „Ég hef ekki séð leikmenn vinna fyrir samherja sína síðan ég kom.“
Vítaspyrnudeilan í leiknum var augljós birtingarmynd vandans, Moise Kean og Mandragora rökræddu hver ætti að taka spyrnuna þar til fyrirliði Luca Ranieri leysti málið. Vanoli upplýsti svo. „Albert Guðmundsson á að taka víti, en hann vildi það ekki. Mandragora er númer tvö. Kean er framherji sem er ekki að skora og vildi taka það.“
„Við verðum að spila fyrir hvorn annan, hver bolti skiptir máli. Ég hef enn ekki fundið leið til að ná inn í huga þessara gæja.“
