Fyrrverandi leikmaður Manchester United, Jesse Lingard, hefur komist að samkomulagi um að yfirgefa FC Seoul og leikur sinn síðasta leik með félaginu 10. desember.
Lingard, 32 ára, gekk til liðs við Suður-Kóreu félagið í febrúar á síðasta ári og var mikið fjör í kringum komu hans.
Samkvæmt félaginu var samningnum slitið nokkrum mánuðum fyrir tímann eftir jákvæðar viðræður milli leikmannsins og stjórnenda.
Lingard tilkynnti ákvörðunina á samfélagsmiðlum. „Eftir góðar samræður höfum við komist að sameiginlegri niðurstöðu um að ég yfirgefi félagið í lok tímabilsins 2025. Þetta var engin auðveld ákvörðun. Tíminn minn í Suður-Kóreu hefur verið ótrúlegur. fótboltinn, stemningin og ástríðan í kringum félagið eru í fremstu röð.“
Lingard hefur skorað 18 mörk og lagt upp 10 í 66 leikjum fyrir Seoul. Líklegt er að einhver lð á Englandi skoði að fá Lingard sem hefur leikið með Manchester United, West Ham og Nottingham Forest þar í landi.
