Fyrrverandi miðjumaður Manchester United, Remi Moses, er á lífi þrátt fyrir fregnir sem hermdu að fyrsti svarti markaskorari félagsins hefði látist.
Í grískum fjölmiðlum á miðvikudag var fullyrt að Moses, sem lék 199 leiki fyrir United á níunda áratugnum, væri fallinn frá. Tengslin við Grikkland koma til vegna þess að Moses og eiginkona hans bjuggu á Zakynthos þegar hann þjálfaði Doxa Pigadakion um skamma hríð árið 2020.
Doxa Pigadakion gaf jafnvel út yfirlýsingu þar sem fullyrt var að eiginkona Moses hefði tilkynnt fráfall hans.
En blaðamaðurinn Andy Mitten hnekkti þeim sögusögnum og staðfesti að Moses væri „á lífi og við góða heilsu“. Fljótlega staðfesti fjölskyldumeðlimur þessa sömu niðurstöðu og sagði að hann væri enn á lífi og heill heilsu.
Samkvæmt heimildum Daily Mail er United einnig meðvituð um að um rangar upplýsingar sé að ræða. Moses býr íManchester en ekki í Grikklandi. Hvernig rangfærslan fór af stað er óljóst.
