Mohamed Salah hefur engan veginn fundið taktinn á tímabilinu og sat hann allan tímann á varamannabekknum gegn West Ham í síðasta leik.
Arne Slot, stjóri Liverpool, var spurður út í Egyptann fyrir leikinn gegn Sunderland í kvöld. Englandsmeistararnir freista þess að vinna sinn annan leik í röð eftir nokkrar hörmulegar vikur undanfarið.
„Hann er augljóslega ekki sáttur við að sitja á bekknum,“ sagði Slot um ákvörðun sína er varðar Salah í síðasta leik.
Þó hrósaði Hollendingurinn Salah fyrir hugarfar sitt. „Hann studdi liðsfélaga sína mikið. Hann er atvinnumaður í efsta klassa.“
