Guglielmo Vicario er að íhuga að yfirgefa Tottenham, ef marka má Gazzetta dello Sport í heimalandi hans, Ítalíu.
Vicario hefur verið í tvö ár hjá Tottenham en stórlið Inter ku hafa áhuga á honum og er hann sagður spenntur fyrir skiptum þangað.
Tottenham greiddi Empoli rúmar 17 milljónir punda fyrir þennan 29 ára gamla markvörð árið 2023. Tekur félagið ekki í mál að selja hann fyrir minna en það.
Vicario, sem á að baki fimm A-landsleiki fyrir hönd Ítalíu, er samningsbundinn Tottenham til 2028.
