Það er óhætt að segja að miðjumaðurinn Carlos Baleba sé metnaðarfullur en hann er á mála hjá Brighton á Englandik.

Baleba ætlar sér að verða besti miðjumaður heims og horfir á myndbönd af leikmönnum eins og Paul Pogba, Kevin de Bruyne og Thiago Alcantara svo eitthvað sé nefnt.

Baleba var sterklega orðaður við Manchester United í sumar en gekk ekki í raðir félagsins en gæti fært sig um set 2026.

Hann hefur þó ekki verið heillandi á þessu tímabili og eru margir sem furða sig á tímasetningu þessara ummæla miðað við hans frammistöðu undanfarið.

,,Ég horfi af mikið af myndböndum af þeim, ég sé hvernig þeir sjá leikinn og hvar þeir staðsetja sig en ég vil vera eins og Carlos Baleba,“ sagði leikmaðurinn.

,,Það er mitt markmið að verða besti miðjumaður heims og ég vil leggja hart að mér til að ná þeim árangri og mun taka við ráðleggingum frá öðrum miðjumönnum.“