Barcelona er sagt vera að skoða fleiri valkosti í leit sinni að miðverði og það helst vinstri fótar.
Samkvæmt ESPN hefur Katalóníufélagið verið að skoða Pau Torres, 28 ára varnarmann Aston Villa og spænska landsliðsins, auk Nico Schlotterbeck, 26 ára miðvarðar Borussia Dortmund og þýska landsliðsins.
Barcelona vill styrkja varnarlínuna og er sérstaklega að leita að miðverði sem leikur vinstra megin og hentar uppspili liðsins.
Pau Torres hefur verið lykilmaður hjá Aston Villa síðan hann kom frá Villarreal og nýtur mikils trausts Unai Emery. Schlotterbeck hefur einnig verið áberandi hjá Dortmund og er talinn einn öflugasti varnarmaður Þýskalands.
Barcelona er sagt meta bæði reynslu og boltatækni leikmannanna, en fjárhagsstaða félagsins gæti haft áhrif á hvort möguleg félagaskipti nái fram að ganga. Engar formlegar viðræður hafa þó verið staðfestar á þessu stigi.
