Fyrrverandi fjármálaráðgjafi Manchester City, Stefan Borson, segir að niðurstaða í 115 ákærum úrvalsdeildarinnar á hendur félaginu gæti legið fyrir fyrir jól.
City var ákært snemma árs 2023 fyrir brot á fjármálareglum á níu ára tímabili frá 2009 til 2018, en engin opinber niðurstaða hefur enn verið birt þrátt fyrir rúmlega eins árs yfirheyrslur fyrir sjálfstæðri nefnd.
City hefur neitað öllum ásökunum, sem snúa meðal annars að meintu broti á PSR-reglum, skorti á samvinnu við yfirvöld í fjögurra ára rannsókn og brotum á FFP-reglum UEFA.
Borson, sem áður hefur sagt að City gæti átt á hættu að falla niður um deild verði félagið dæmt brotlegt, greindi frá þessu í viðtali við talkSPORT með Jim White og Simon Jordan. Hann telur að úrskurður jákvæður eða neikvæður gæti orðið opinber fyrir jól og myndi þar með marka tímamót í einu stærsta dómsmáli í sögu ensku úrvalsdeildarinnar.
