Sadio Mane segir að hann hafi hafnað Manchester United ári áður en hann skrifaði undir hjá Liverpool. Senegalinn var þá að stimpla sig inn hjá Southampton og vakti mikla athygli, en Louis van Gaal reyndi að sannfæra hann um að koma á Old Trafford.
Mane, sem kom til Southampton frá Red Bull Salzburg árið 2014 fyrir tæpar 12 milljónir punda, fékk tækifæri til að ganga til liðs við United sumarið 2015. En hann viðurkennir að hann hafi ekki trúað loforðum Van Gaal um að verða lykilmaður.
„Ég var að tala við Van Gaal. Hann sagði að hann vildi mig, en ég spurði: Þið eruð með Rooney, Di Maria, Depay og Van Persie… hvar á ég að spila?“ segir Mane í viðtali við ESPN.
„Hann sagði að ef ég myndi æfa vel myndi ég spila, en ég var ekki sannfærður. Ég var ungur og þurfti meiri leiðsögn. Ég var ekki tilbúinn.“
Mané segir jafnframt að Tottenham hafi heillað hann meira en United. Mauricio Pochettino bauð honum í heimsókn á æfingasvæði félagsins og var honum vel tekið.
„Ég var miklu sannfærðari um Tottenham-verkefnið. Vandamálið hjá United var einfaldlega að þar voru of margir stórir leikmenn,“ sagði hann.
Ákvörðunin að bíða með skipti reyndist frábær. Mane fór til Liverpool sumarið 2016 fyrir um 36 milljónir punda og var einn besti leikmaður liðsins á árunum eftir, þar sem það vann allt galleríið.
Mane er í dag á mála hjá Al-Nassr í Sádi-Arabíu.
