Það voru fáir leikmenn í ensku úrvalsdeildinni á tíunda áratugnum eins litríkir og Faustino Asprilla. Kólumbíumaðurinn, sem átti afmæli í síðustu viku, varð fljótt ástsæll hjá stuðningsmönnum Newcastle þrátt fyrir aðeins tvö ár hjá félaginu, ekki síst vegna þrennunnar frægu gegn Barcelona.

En fyrrverandi samherjar hans muna líka eftir honum af allt öðrum ástæðum.

Í viðtali hjá Under The Cosh rifjaði varnarmaðurinn Steve Howey upp þegar Asprilla ákvað að spila myndband fyrir liðsfélaga sína í rútunni eftir æfingu, myndband sem reyndist ekki alveg hæft fyrir fjölskyldubíó.

Þeir höfðu beðið Kevin Keegan og Terry McDermott, þjálfara liðsins, að ganga um borð þegar Asprilla fann tækifæri til að hrekkja hópinn.

„Við vorum allir að kvarta og héldum að þetta væri eitthvað undarlegt tónlistarmyndband,“ sagði Howey.

„En svo byrjar þetta að spilast og við áttum okkur strax á því hvað þetta var.“

Keegan og McDermott heyrðu hávaða áður en þeir stigu upp í rútuna og stoppuðu myndbandið snögglega, rétt áður en Asprilla hljóp niður ganginn og hrópaði. „Nei, nei! Þetta er nýja kærastan mín!“

Asprilla skildi eftir sig ótal sögur af léttleika og stríðni innan liðsins. Eftir ferilinn hélt hann áfram að láta að sér kveða í fjölmiðlum og á samfélagsmiðlum og hélt m.a. stórt afmælisboð í Kólumbíu þegar hann varð fimmtugur, þar fékk hann klámstjörnu til að mæta á svæðið og blása á kertin.

Stuðningsmenn Newcastle minnast hans bæði fyrir frammistöðu hans á vellinum , og litríka persónuleikann utan vallar.