Enska úrvalsdeildarfélagið Tottenham Hotspur stendur frammi fyrir kröfum um þóknanagreiðslur eftir að hafa notað lag Barry Manilow, Can’t Smile Without You, fyrir heimaleiki sína.

Ljóðlínur hins sígilda slagars voru reglulega látnar óma í Tottenham Hotspur Stadium fyrir leik, en nú hefur einn af þremur höfundum lagsins. sem reyndist vera stuðningsmaður erkifjendanna Arsenal, hótað lögsókn.

Hann gagnrýnir félagið harðlega fyrir að hafa ekki viljað ræða málið eða viðurkenna notkun á laginu.

Lagið hefur á síðustu árum þróast í ákveðið tengslamerki stuðningsmanna Spurs, sem taka gjarnan undir í upphituninni. Þegar leikið var án áhorfenda í heimsfaraldrinum var meira að segja risastórt borði með nafni lagsins notað til að hylja tóma sæti á vellinum.

Lagahöfundurinn segir í samtali við The Sun að Tottenham hafi neitað öllum tilraunum hans til að setjast niður og ræða mögulega þóknunargreiðslu. „Þegar við sömdum lagið höfðum við enga hugmynd um að það yrði að fótboltaanthemi,“ sagði hann.

„Þetta var skrifað sem ástarlag og það sem pirrar mig mest er að Spurs vil ekki viðurkenna að þau noti það.“

Hann íhugar nú að leita réttar síns með lögfræðiaðstoð.