Wayne Rooney hefur fengið endurgreitt um 800 þúsund pund í skatti frá breska skattyfirvaldinu HMRC.

Endurgreiðslan kemur eftir að fyrirtækið sem sá um ímyndarréttindi hans var sett í slitameðferð.

Rooney hefur þegar fengið um 22,5 milljónir punda út úr slitunum og á von á frekari greiðslu áður en ferlinu lýkur.

Rooney, sem fékk um 300 þúsund pund á viku í laun og ímyndarréttargreiðslur á ferli sínum hjá Manchester United, starfar nú sem sérfræðingur í sjónvarpi.

Á leikmannaferlinum var hann með stórar auglýsingasamningar við meðal annars Coca-Cola, EA Sports og Nike, og hann heldur enn áfram sem sendiherra fyrir ýmis alþjóðleg vörumerki.

Fyrrverandi enski landsliðsmaðurinn, sem er nú 40 ára, hefur safnað upp verulegum eignum í gegnum feril sinn og er talið að heildareign hans nemi um 170 milljónum punda.

Rooney lék 559 leiki fyrir Manchester United og er markahæsti leikmaður félagsins frá upphafi.