Fyrrum leikmaður í ensku úrvalsdeildinni, Ivan Klasnic, hefur opinberað alvarlegt heilsufarsástand sitt og segir að hann geti dáið hvenær sem er, eftir að verkjalyf sem hann fékk hjá gamla félaginu sínu, Werder Bremen, höfðu alvarleg áhrif á nýrnastarfsemi hans.

Klasnic, sem er 45 ára í dag, þurfti að gangast undir þrjár nýrnaígræðslur og fékk 4 milljónir punda í skaðabætur frá þýska félaginu árið 2020.

Hann segir að læknar liðsins hafi vanrækt að greina nýrnabilun og haldið áfram að ávísa honum lyfjum sem versluðu ástandið.

„Ég held að það sé nánast ógerlegt að spila atvinnumennsku í fótbolta án þess að nota verkjalyf,“ sagði Klasnic í viðtali við þýska sjónvarpið.

„En hefði ég vitað af nýrnavandanum, hefði ég aldrei tekið þau. Ég gæti dáið hvenær sem er“

Klasnic lék með Werder Bremen frá 2001 til 2008 en nýrnabilun greindist fyrst árið 2007. Hann kærði lækna félagsins og voru tveir læknar dæmdir til að greiða fyrir framtíðartekjur lækniskostnað og tekjumissi.

Klasnic gekk í raðir Bolton árið 2009 og skoraði 24 mörk í 93 leikjum áður en hann fór til Mainz og lagði skóna á hilluna árið 2013. Hann á að baki 41 landsleik fyrir Króatíu og 12 mörk.