Umboðsmaður Marcus Rashford, sem einnig er bróðir hans, fundaði með tveimur félögum á Ítalíu í gær.
Um er að ræða AC Milan og Juventus, en viðræður eru á byrjunarstigi og félögin að kanna hvað felst í félagaskiptum Rashford.
Rashford er ekki inni í myndinni hjá Manchester United undir stjórn Ruben Amorim og má fara annað. Sjálfur er hann opinn fyrir því að fara.
Talið er líklegast að Rashford fari frá United á láni til að byrja með. Mun hann ræða við fleiri félög á næstunni, en Tottenham hefur til að mynda áhuga.
