Denis Irwin, fyrrum leikmaður Manchester United, hefur hrósað bakverðinum Trent Alexander Arnold í hástert en hann leikur með Liverpool.

Trent er þekktur fyrir það að vera mjög góður sóknarlega og hefur Irwin líkt honum við goðsögnina David Beckham.

Beckham var með magnaðan hægri fót sem leikmaður á sínum tíma og var helst þekktastur fyrir að skila boltanum mjög vel frá sér.

Beckham var vissulega vængmaður á sínum tíma sem leikmaður en Trent er bakvörður þar sem hann er mun betri í sókn en í vörn.

,,Trent Alexander-Arnold er eins og David Beckham þegar kemur að hvernig hann skilar boltanum,“ sagði Irwin.

,,Hann skilar boltanum frá sér eins vel og ég hef séð í fótboltanum. Það er hægt að setja spurningamerki við hann varnarlega en þannig er nútíma bakvörðurinn.“