Mikel Arteta, stjóri Arsenal, var bálreiður í gær eftir leik sinna mann gegn Wolves í ensku úrvalsdeildinni.
Ungstirnið Myles Lewis-Skelly fékk að líta mjög umdeilt beint rautt spjald í leiknum sem lauk með 1-0 sigri Arsenal.
Flestir eru sammála um það að varnarmaðurinn hafi ekki átt að fá rautt spjald og að gult spjald hefði verið sanngjörn niðurstaða.
Þrátt fyrir sigurinn er Arteta virkilega ósáttur og hafði þetta að segja eftir leikinn.
,,Þetta er svo augljóst að ég leyfi ykkur að tala um þetta. Ég er bálreiður en ég mun leyfa ykkur að fjalla um málið,“ sagði Arteta.
,,Þetta er það augljóst og ég held að það sem ég hef að segja muni ekki hjálpa neinum.“
