Birkir Bjarnason fyrrum landsliðsmaður Íslands í knattspyrnu hefur tekið ákvöðrun um að leggja skóna á hilluna.
Birkir hefur átt magnaðan feril og var lengi vel algjör lykilmaður í íslenska landsliðinu, hann lék 113 A-landsleiki á ferlinum og er sá leikjahæsti í sögu landsliðsins.
Birkir er 37 ára gamall en hann lék síðustu tvö ár með Brescia á Ítalíu.
Ferill Birkis var afar glæsilegur en hann lék á Englandi, í Sviss, á Ítalíu, í Tyrklandi og einnig í Katar.
Birkir kveður fótboltann og segir. „Eftir mikla íhugun hef ég ákveðið að hætta í atvinnumennsku í fótbolta. Þetta hefur ekki verið auðveld ákvörðun, en ég tek hana með stolti yfir þeim árangri sem náðst hefur og þakklæti fyrir þau tækifæri, reynslu og minningar sem fótboltinn hefur gefið mér. Þessi reynsla hefur mótað mig á marga vegu og mun fylgja mér áfram næstu kafla lífs míns. Takk fyrir mig!,“ skrifar Birkir.
Birkir var fastamaður í byrjunarliði Íslands á EM 2016 og HM 2018.
