Nokkuð mikil umræða hefur skapast um bjórdrykkju á leikjum í íslenskum fótbolta, hefur nokkuð verið rætt um þetta og margir hafa skoðun á þessum málum.

Bikarúrslitaleikur karla fer fram á föstudag og vakti það athygli á fundi á mánudag þegar KSÍ bað fólk um að vera edrú, KSÍ hefur undanfarið selt bjór á leikjum sínum.

Elvar Geir Magnússon ritstjóri Fótbolta.net vakti mikla athygli og var til umræðu í Þungavigtinni þar sem Mikael Nikulásson fór mikinn.

Meira:
Elvar trúði ekki eigin eyrum á fundi KSÍ – Spyr hvort við séum stödd í Norður-Kóreu

„Ef menn ætla að fara eftir beiðni KSÍ þá þarf Björn Hlynur að loka bjórdælunni á Ölver á föstudag, pælið í rugli. Vestri er að fara í bikarúrslit í fyrsta sinn og heldur þú að liðið sem sé að koma þaðan ætli að fá sér Coke Zero. Halda þeir að fólk loki bjórdælunni, hver heldur þú að ætli að fara edrú á þenann leik?,“ sagði Mikael í Þungavigtinni í dag.

Mikael leggur til að KSÍ breyti leiktíma á úrslitaleik bikarsins ef enginn má fá sér bjór. „Hafðu leikinn á mánudegi klukkan 15:00, þá verður kannski einhver edrú. Bara að fara að halda kjafti.“

Mikael fór á leik í Bestu deildinni á mánudag. „Ég var á leik KR og Fram, það var einhver kona þarna í kallkerfinu svona sjö sinnum á meðan leiknum stóð að láta vita að áfengi væri bannað í stúkunni. Það sást ekki á neinum manni í stúkunni, það voru 1600 manns þarna. Hvaða þvæla er þetta, biðla til Vestra og Vals á blaðamannafundi að halda áfenginu í lágmarki.“

Mikael vonar að allir helli vel í sig á leiknum. „Siggi Sjómaður sem er í fríi ætlar bara að fá sér Coke þegar Vestri er í bikarúrslitum, ég hvet alla til að hella vel í sig á leiknum. Það eru aldrei nein læti á leik á Íslandi. Ég er búin að fara á fótboltaleiki á Íslandi fjörtíu ár og aldrei séð nein læti.“