Hans Wirtz faðir Florian Wirtz segir frá því hvernig Arne Slot stjóri Liverpool heillaði son sinn með fundi sem þeir áttu í vor.
Florian hafnaði FC Bayern til að fara til Liverpool en oftar en ekki velja þýskir leikmenn að fara til Bayern.
„Arne Slot hefur heillað Wirtz á æfingasvæðinu, hann er virkilega góð persóna,“ segir Hans.
„Bestu þjálfarar Florian hafa verið þeir sem gefa honum frjálsræði, þannig hefur hann blómstrað. Hann er spenntur fyrir leiknum á Englandi.“
„Arne Slot heillaði hann með öðruvísi hugmyndafræði, hvernig liðið spilar, hvernig það heldur í boltann og pressar. Hvernig Florian getur bætt sig var eitthvað sem Slot fór yfir.“
Hans segir að það hafi verið erfitt að hafna Bayern. „Það var erfitt því Uli Hoeness og Karl-Heinz Rummenigge lögðu gríðarlega mikið á sig, ég ber ótrúlega virðingu fyrir Hoeness,“ segir Hans.
„Þegar Florian sleit krossband árið 2022 þá fékk hann beint inn í aðgerð vegna Hoeness. Þess vegna var mjög erfitt að hringja í hann og hafna þessu.“
