Manchester United þarf að berjast við peningana í Sádi Arabíu ef félagið ætlar að fá til sín Moise Kean í sumar.

Frá þessu greinir Calciomercato en Kean hefur verið orðaður við enska stórliðið undanfarna daga.

Al Hilal í Sádi hefur einnig áhuga á Kean og er tilbúið að borga kaupákvæði samnings leikmannins sem eru 52 milljónir evra.

Kean er 25 ára gamall og þekkir aðeins til Englands en hann var um tíma hjá Everton og stóðst ekki væntingar.

Hann var næst markahæsti leikmaður Serie A á síðasta tímabili og er nú þegar búinn að hafna tilboði frá Al Quadsiah í Sádi.

Kaupákvæðið í samningi Kean rennur út þann 15. júlí og er ljóst að bæði félög þurfa að flýta sér í viðræðum við ítalska sóknarmanninn.