Japanski knattspyrnusérfræðingurinn Alan Gibson segir að stuðningsmenn Tottenham geti verið spenntir fyrir næsta tímabili.

Tottenham hefur tryggt sér þjónustu Kota Takai sem kemur frá Kawai Frontale í Japan en hann er aðeins tvítugur og spilar sem miðvörður.

Gibson bendir á að Takai hafi verið frábær þegar Kawasaki spilaði við Al-Nassr í Meistaradeild Asíu.

,,Hann er skráður rúmlega 190 sentímetrar sem er mjög óeðlilegt fyrir japanskan leikmann og hæðin ætti ekki að vera vandamál í ensku úrvalsdeildinni,“ sagði Gibson.

,,Hann er aðeins um 80 til 83 kíló í dag svo hann gæti þurft að bæta á sig vöðvamassa.“

,,Það sem fólk hefur séð eru leikir hans við menn eins og Cristiano Ronaldo, Jhon Duran og Sadio Mane og hann var með þá í vasanum allan leikinn.“

,,Ég áttaði mig ekki á því að Ronaldo væri inni á vellinum í 60 mínútur. Í alvöru talað, ég horfði á leikinn á litlum skjá og gleymdi því að Ronaldo væri að spila.“