Viðræður Liverpool og Napoli um Darwin Nunez þokast áfram og stefna í rétta átt, talið er að félögin muni á endanum ná saman. Fabrizio Romano segir frá.
Napoli vill kaupa framherjann frá Úrúgvæ af Liverpool og Arne Slot er klár í að losa sig við hann.
Nunez hefur átt góða spretti á Anfield en ekki náð að festa sig í sessi sem algjör lykilmaður.
Liverpool er tilbúið að selja hann í sumar og búa til fjármagn til að kaupa nýjan framherja til félagsins.
Talið er að Liverpool vilji fá um 60 milljónir punda fyrir Nunez og ræða félögin nú saman. Sjálfur hefur framherjinn samþykkt að ganga í raðir félagsins.
