Lionel Messi sendi sneið á PSG áður en hann mætir liðinu með Inter Miami í HM félagsliða, þar mætir hann sínu gamla félagi.
Messi var hjá PSG í tvö ár en hann var sár og svekktur þegar félagið fagnaði honum ekki sem Heimsmeistara.
Messi varð Heimsmeistari með Argentínu árið 2022 í úrslitaleik gegn Frakklandi, franska félagið vildi því ekki fagna Messi um of af virðingu við stuðningsmenn sína.
„Ég var eini leikmaðurinn af 25 leikmönnum sem fékk enga viðurkenningu frá félagi mínu,“ sagði Messi í gærkvöldi og því eru sárin ekki gróin.
Nasser Al-Khelaifi forseti PSG svaraði þessu fljótt. „Það er mikið talað, ég veit ekki hvað hann sagði núna. Við settum inn myndband og óskuðum honum til hamingju, við vildum hins vegar virða franska landsliðið.“
Liðin mætast í 16 liða úrslitum þar sem búist er við að PSG muni fara áfram með auðveldum sigri.
