Það er orðið líklegt að Jadon Sancho endi hjá Fenerbahce ef marka má tyrkneska miðla.
Sancho leitar sér nú að nýjum vinnuveitendum. Hann er engan veginn í plönum hjá Manchester United, sem reynir að losa sig við hann.
Fenerbahce, sem er með Jose Mourinho við stjórnvölinn, vill fá hann og samkvæmt nýjustu fréttum frá Tyrklandi þokast möguleg skipti nær.
Sancho var á láni hjá Chelsea á síðustu leiktíð og átti fínar rispur inn á milli. Félagið ákvað hins vegar ekki að nýta kauprétt sinn á honum og borgaði raunar sekt fyrir að sleppa því að fá hann endanlega.
