Fyrrum knattspyrumaðurinn Gareth Bale var spurður út í skipti Trent Alexander-Arnold frá Liverpool til Real Madrid.
Trent fór frítt til Real Madrid þegar samningur hans við Liverpool rann út, en Bale fór einnig úr ensku úrvalsdeildinni, frá Tottenham til Real Madrid á sínum tíma.
„Þetta er allt öðruvísi en enska úrvalsdeildin,“ segir Bale, sem raðaði inn titlum hjá Real Madrid.
„Kröfurnar hjá Real Madrid eru miklar og hann mun brátt átta sig á því. En ég er viss um að hann muni njóta þess og gefa allt sitt.“
Trent hefur þegar spilað tvo leiki með Real Madrid, báða í HM félagsliða. Spænska félagið greiddi Liverpool litla upphæð til að hafa hann með á mótinu.
