Vandræði KR í Bestu deild karla halda áfram en liðið fékk skell gegn grönnum sínum í Val á útivelli í kvöld.
Kristinn Freyr Sigurðsson kom Val yfir í leiknum áður en Jóhannes Kristinn Bjarnason skoraði og jafnaði úr vítaspyrnu. Dómurinn var umdeildur og miðað við myndavélar í sjónvarpinu var engin snerting þegar Sigurður Egill Lárusson var dæmdur brotlegur.
Valsmenn settu í gír eftir þetta og Tómas Bent Magnússon kom liðinu yfir og svo gengu þeir á lagið og unnuð að lokum 6-1 sigur.
KR er með þrettán stig í tíunda sæti sæti deildarinnar en Valur er í þriðja sæti með 21 stig.
Breiðablik og Fram gerðu 1-1 jafntefli þar sem Breiðablik skoraði úr vítaspyrnu í uppbótartíma, dómurinn var umdeildur en Höskuldur Gunnlaugsson skoraði úr vítinu.
Eftir það brutust út slagsmál og Höskuldur fékk rautt spjald og Kyle McLagan sömuleiðis hjá Fram.
Valur 6 – 1 KR:
1-0 Kristinn Freyr Sigurðsson
1-1 Jóhannes Kristinn Bjarnason
2-1 Tómas Bent Magnússon
3-1 Orri Sigurður Ómarsson
4-1Tryggvi Hrafn Haraldsson
5-1 Patrick Pedersen
6-1 Lúkas Logi Heimisson
Breiðablik 1 – 1 Fram:
1-0 Vuk Oskar Dimitrijevic
1-1 Höskuldur Gunnlaugsson (Víti)
