Manchester United er á meðal félaga sem eru áhugasöm um Eduard Spertsyan, armenskan leikmann Krasnodar í Rússlandi.

Ítalskir miðlar fjalla um málið, en Atalanta, Ajax, Brentford og Paris Saint-Germain eru einnig sögð áhugasöm og kemur einnig fram að líklegast sé að leikmaðurinn endi í Hollandi.

United er hins vegar opið fyrir því að fá hinn 25 ára gamla Spertsyan, sem spilar framarlega á miðjunni eða úti á kanti.

Spertsyan átti frábært tímabil með Krasnodar, en samningur hans þar rennur út næsta sumar.

Kappinn á að baki 34 A-landsleiki fyrir Armeníu og hefur hann skorað í þeim níu mörk.