Myles Lewis-Skelly bakvörður Arsenal átti frábært tímabil með liðinu í ár en hann er 18 ára gamall bakvörður.
Arsenal hefur reynt að framlengja samning hans en Guardian segir viðræður ganga erfiðlega.
Kröfur Lewis-Skelly eru sagðar hærri og meiri en það sem Arsenal er tilbúið að borga honum.
Sökum þess er Real Madrid komið að borðinu og samkvæmt fréttum hefur umboðsmaður Lewis-Skelly rætt við félagið.
Lewis-Skelly vakti mikla athygli fyrir vaska framgöngu sína og væri það mikið áfall fyrir Arsenal að missa hann mögulega frítt næsta sumar.
