Enska knattspyrnusambandið hefur dregið til baka rauða spjaldið sem Myles Lewis-Skelly fékk í sigri Arsenal á Wolves á laugardag.
Spjaldið fékk bakvörðurinn ungi fyrir brot á Matt Doherty, en dómurinn þótti afar umdeildur og flestir á því að hann væri rangur.
Arsenal áfrýjaði dómnum og skilaði það sér í því að Lewis-Skelly sleppur við þriggja leikja bann. Hann er því klár í slaginn þegar Arsenal mætir Manchester City á sunnudag.
