Kyle Walker er búinn að skrifa undir hjá AC Milan og félagið hefur staðfest komu hans.
Skiptin hafa legið í loftinu en nú er allt klappað og klárt. Bakvörðurinn kemur á láni til Milan frá Manchester City út leiktíðina. Ítalska félagið getur keypt hann að lánsdvölinni lokinni, en hinn 34 ára gamli Walker er samningsbundinn City til 2026.
Walker hefur verið hjá City síðan 2017 og verið algjör lykilmaður í liðinu sem hefur unnið Englandsmeistaratitilinn trekk í trekk og Meistaradeildina einu sinni, svo dæmi séu tekin.
Það er hins vegar aðeins farið að hægjast á Walker og hefur hann verið í vandræðum í ensku úrvalsdeildinni á leiktíðinni, sem og lið City yfirhöfuð.
Þá eru vandræði utan vallar og framhjáhald Walker ekki til að bæta stöðuna. Eiginkona hans flytur með honum til Ítalíu og freista þau þess að bæta sambandið þar.
New Defender alert 🔴⚫
Welcome, @kylewalker2! 🛡️#SempreMilan #DNACMilan
— AC Milan (@acmilan) January 24, 2025
