Atletico Madrid 1 – 1 Real Madrid
0-1 Eder Militao(’64)
1-1 Angel Correa(’95)
Það var svo sannarlega hiti í stórleik kvöldsins í spænsku úrvalsdeildinni en Atletico Madrid og Real Madrid áttust við.
Um er að ræða granna í Madríd borg en leiknum lauk með 1-1 jafntefli að þessu sinni.
Eder Militao kom Real yfir á 64. mínútu en Atletico tókst að jafna á 95. mínútu með marki Angel Correa.
Atletico var alls ekki verri aðilinn í leiknum og líklegra til að ná í sigurinn en frammistaða Real var ekki heillandi.
Atletico er í þriðja sæti deildarinnar með 16 stig, tveimur stigum á eftir Real sem er í því öðru.
Heimamenn kláruðu leikinn manni færri en undir lok leiks fékk Marcos Llorente að líta beint rautt spjald.
