Enzo Maresca, stjóri Chelsea, hefur litlar sem engar áhyggjur af vængmanninum Jadon Sancho sem kom til félagsins í sumar.
Sancho var lánaður til Chelsea frá Manchester United en hann gerir lánssamning út tímabilið og verður svo keyptur 2025.
Sancho stóðst ekki væntingar hjá United en Erik ten Hag, stjóri liðsins, talaði um slaka frammistöðu leikmannsins á æfingum og slæmt hugarfar.
Maresca hefur ekki tekið eftir því sama og er ekkert nema ánægður með Englendinginn.
,,Ég tel ekki að Jadon Sancho sé vandræðagemsi utan vallar. Ég hef ekki hugmynd hvað gerðist þeirra á milli,“ sagði Maresca og átti þar við samband Sancho við Ten Hag.
,,Ég get bara dæmt leikmanninn á því sem hefur gerst þessa vikuna og hann hefur verið fullkominn.“
