Dan Ashworth, yfirmaður knattspyrnumála Manchester United, hefur útskýrt af hverju félagið framlengdi samning Erik ten Hag í sumar.
Ten Hag var sterklega orðaður við brottför fyrr í sumar áður en United ákvað að framlengja samning hans til 2026.
Það voru ekki allir sáttir með þá ákvörðun stjórnarinnar en árangur United var ekki ásættanlegur á síðustu leiktíð.
Ashworth svaraði stuðningsmönnum United og segir að stjórn félagsins hafi fulla trú á Hollendingnum.
,,Fyrsta stóra ákvörðun sumarsins var að framlengja samning Erik ten Hag til 2026,“ sagði Ashworth.
,,Við höfum mikla trú á honum og að hann sé einn besti þjálfari Evrópu og er sá aðili sem við viljum halda áfram að vinna með.“
