Erik ten Hag, stjóri Manchester United, virðist vera búinn að fyrirgefa vængmanninum Jadon Sancho.

Sancho var í byrjunarliði United í gær sem vann Rangers í æfingaleik en hann var lánaður til Dortmund í janúar á þessu ári og stóð sig nokkuð vel.

Samband Ten Hag og Sancho var ekki gott sem varð til þess að hann var sendur til Þýskalands en hann kom til enska liðsins fyrir um tveimur árum.

Útlit er fyrir að Ten Hag sé búinn að fyrirgefa Sancho en þeir höfðu rifist opinberlega í ágúst 2023 og eftir það andaði köldu þar á milli.

,,Við áttum gott samtal, hver sem er getur gert mistök. Ef leikmaðurinn tekur því vel þá seturðu ákveðna línu og horfir fram veginn,“ sagði Ten Hag.

,,Þetta félag þarf á góðum leikmönnum að halda og eitt er á hreinu; Jadon er gríðarlega góður leikmaður. Ég vona að hann nái að finna sig hér og taki þátt í okkar sigurgöngu.“