Mason Greenwood var í gær kynntur sem nýr leikmaður Marseille en hann kemur til félagsins frá Manchester United.

Greenwood átti aldrei framtíð fyrir sér á Old Trafford eftir að hafa verið ákærður fyrir nauðgun og árás á fyrrum kærustu sína fyrir um þremur árum.

Marseille ákvað þó að semja við þennan 22 ára gamla strák sem lék með Getafe á Spáni á láni í fyrra.

Marseille þurfti að þagga niður í blaðamanni á einmitt blaðamannafundi í gær er leikmaðurinn var kynntur hjá félaginu.

Þessi blaðamaður spurði Greenwood og Marseille út í ákærurnar en fékk engin svör – farið var beint í næstu spurningu.

Marseille bað blaðamannininn vinsamlegast um að spyrja ekki um það mál en hann lét flakka og fékk engin svör í kjölfarið.

Greenwood svaraði fyrir sig og hafði þetta að segja:

,,Ég skil spurningarnar. Ég vil einfaldlega horfa fram veginn. Ég vil vera hluti af Marseille,“ sagði Greenwood.

,,Ég vil að ég, konan mín og litla stelpan mín lifum góðu lífi í Marseille. Ég einbeiti mér bara að fótboltanum.“