Thiago Alcantara er kominn aftur til Barcelona og hefur skrifað undir samning við sitt fyrrum félag.
Thiago ákvað að leggja skóna á hilluna í sumar en hann var síðast á mála hjá Liverpool á Englandi.
Hann lék 101 leik fyrir Barcelona á sínum ferli en lék einnig fyrir Bayern Munchen og síðar Liverpool.
Thiago er ekki að taka fram skóna á ný en hann verður hluti af þjálfarateymi Hansi Flick sem tók við Barcelona í sumar.
Thiago vonast til að öðlast reynslu sem þjálfari næsta vetur og mun hjálpa Flick að tala við spænsku leikmennina.
