Fjárhagsvandræði Barcelona halda áfram en liðið er nú í vandræðum með að skrá níu aðalliðsleikmenn til leiks fyrir næsta tímabil.
Frá þessu greinir Athletic en Barcelona hefur nú í dágóðan tíma verið í verulegum vandræðum fjárhagslega.
Samkvæmt Athletic þarf Barcelona að græða 130 milljónir evra einhvers staðar svo þessir níu aðilar geti verið skráðir í leikmannahópinn.
Leikmenn eins og Inigo Martinez, Lamine Yamal, Pau Cubarsi, Vitor Roque og Hector Fort eru ekki leikfærir eins og staðan er.
Líkur eru á að Barcelona reyni að selja stórstjörnu fyrir byrjun næsta tímabils og þá er helst talað um Brasilíumanninn Raphinha.
Það verður því enn erfiðara fyrir Barcelona að fá inn nýja leikmenn og á Hansi Flick erfitt verkefni framundan.