Luke Shaw, leikmaður Manchester United og Englands, segir að það sé nokkrum aðilum að kenna að hann hafi verið mikið meiddur í vetur.
Shaw er 28 ára gamall og spilaði aðeins 12 deildarleiki á síðasta tímabili en hann glímdi við þónokkur meiðsli.
Shaw viðurkennir að það sé að hluta til honum að kenna en einnig læknateymi enska stórliðsins.
,,Þetta er í raun öllum að kenna. Þetta er mér og læknateyminu að kenna og ég held að allir myndu viðurkenna það,“ sagði Shaw.
,,Ég fann fyrir einhverju gegn Aston Villa og þurfti að fara af velli í hálfleik. Eftir skannið þá kom í ljós að það var ekki mikið að en ég æfði ekki alla vikuna en æfði svo degi fyrir leik.“
,,Ef þjálfarinn spyr mig um að spila þá mun ég aldrei segja nei. Ég hefði ekki átt að spila.“