Arde Guler var hetja Tyrklands þegar liðið mætti Georgíu á Evrópumótinu í dag en leikið var á heimavelli Borussia Dortmund.

Mert Müldür skoraði fyrsta mark leiksins og kom Tyrkjum yfir með gjörsamlega frábæru skoti.

Georges Mikautadze jafnaði fyrir Georgíu áður en fyrri hálfleikurinn var á enda.

Það var svo hinn magnaði Arda Guler sem skoraði sigurmarkið fyrir Tyrki en þessi 19 ára gamli drengur er leikmaður Real Madrid.

Undir lok leiksins fékk Georgía nokkur góð færi en tókst ekki að koma boltanum í netið og Tyrkirnir lifðu hreinlega á lyginni. Á sjöttu mínútu uppbótartíma var markvörðurinn sendur fram í horni og það nýttu Tyrkir sér með því að ná boltanum og keyra upp völlinn þar sem Kerem Aktürkoğlu skoraði í autt markið.

Tyrkirnir fara vel af stað og eru komnir með þrjú stig en Tékkland og Portúgal eru einnig í riðlinum og mætast þau í kvöld.