Victor Osimhen, framherji Napoli, gæti farið annað í sumar og er áhugi frá Sádi-Arabíu. Þetta kemur fram í ítölskum miðlum.
Framherjinn knái hefur verið orðaður við stórlið eins og Chelsea og Paris Saint-Germain, en þau hafa ekki látið til skarar skríða enn. Sádar gætu nýtt sér þá stöðu, en þar á bæ eru peningar ekki vandamál.
Það er Al-Ahli sem skoðar þann möguleika að fá Osimhen og er sagt til í að virkja klásúlu í samningi hans við Napoli. Hljóðar hún upp á 120 milljónir evra.
Al-Ahli hefur þó ekki náð neinu samkomulagi við leikmanninn sem þyrfti að samþykkja flutninga til Sádí.
