Íslenska karlalandsliðið mætir því hollenska í vináttuleik ytra eftir rúman klukkutíma. Byrjunarliðið hefur verið opinberað.
Hollenska liðið er í lokaundirbúningi sínum fyrir EM í Þýskalandi sem hefst á föstudag, en þetta er síðasti leikur liðsins fyrir mótið. Strákarnir okkar voru hársbreidd frá því að komast á EM en geta fylgt eftir feykisterkum og óvæntum sigri á Englandi fyrir helgi með góðri niðurstöðu í kvöld.
Age Hareide landsliðsþjálfari gerir eina breytingu frá sigrinum magnaða á Wembley. Valgeir Lunddal Friðriksson kemur inn og svo virðist sem honum sé stillt upp í hjarta varnarinnar. Daníel Leó Grétarsson sest á bekkinn í hans stað.
Byrjunarlið Íslands
Hákon Rafn Valdimarsson
Bjarki Steinn Bjarkason
Sverrir Ingi Ingason
Valgeir Lunddal Friðriksson
Kolbeinn Birgir Finnsson
Mikael Neville Anderson
Jóhann Berg Guðmundsson
Arnór Ingvi Traustason
Jón Dagur Þorsteinsson
Hákon Arnar Haraldsson
Andri Lucas Guðjohnsen