Matt Le Tissier knattspyrnugoðsögn er staddur í miðju fjölskyldudrama vegna þess að tengadóttir hans er byrjuð að framleiða klám og selja það í gegnum OnlyFans.

Alex og Mitchell Le Tissier hafa verið saman til fjölda ára og eiga saman fjögur börn en fyrir tveimur árum byrjað Alex að framleiða myndbönd til að selja á OnlyFans.

Síðan þá hefur Matt sem átti magnaðan feril sem leikmaður hjá Southampton ekki viljað tala við son sinn og tengdadóttur.

Allt sprakk þetta svo í loft upp um helgina þegar Matt og hluti af fjölskyldunni fór á Wembley og horfði á Southampton tryggja sér sæti í ensku úrvalsdeildinin. Þar birti hann mynd af sér.

„Geggjað að geta farið með fjölskylduna á Wembley,“ skrifaði Matt meðal annars.

Netverjar voru fljótir að benda á það að þarna vantaði Mitchell og Alex og svo fór að Alex blandaði sér í slaginn og ræðir málið við Daily Mail.

„Það voru augnablik þar sem við náðum ágætlega saman en mér fannst fjölskyldan aldrei taka mér,“ segir Alex sem segist hafa byrjað á OnlyFans til að ná endum saman fyrir fjölskylduna.

Hún segir að eiginmaður sinn hafi lent í áfalli og fjölskyldan misst tekjur. „Hann missti störf og við áttum ekki krónu, ég hafði ekkert annað vel en að fara á Onlyfans,“ segir Alex.

„Þetta var miðinn þeirra til að útiloka okkur endanlega.“

Matt tjáði sig um málið árið 2022. „Ég vil ekkert með þau hafa lengur,“ sagði kappinn þá og ljóst að fjölskyldan er splundruð vegna þess efnis sem Alex framleiðir.